पुणे, – रॅपिड ॲपव्दारे बेकायदेशीर प्रवास करताना एका बाईक टॅक्सी चालकाने विश्रांतवाडी येथे आरटीओच्या अधिकाऱ्यांनी अडवल्यानंतर, कारवाई करताना अधिकारीशी झटापट करून हुलकावणे देत तिथून पसार झालेल्या आरोपीला तब्बल एक महिन्या नंतर अटक करण्यात आली आहे. पिंटु पुर्णचंद्र घोष (रा. खडकवासला) असे आरोपीचे नाव आहे.
शहरात बाईक टॅक्सी सेवेला बंदी आहे. घोष हा बाईक टॅक्सी घेऊन जात असताना विश्रांतवाडी येथे त्याला आरटीओ पथकाने अडविले. कारवाईनंतर महिला अधिकारी त्याच्या गाडीवर पाठीमागे बसून त्याला आरटीओ कार्यालयात घेऊन जात होत्या. मात्र, घोष याने सहायक मोटर वाहन निरीक्षक दर्जाच्या अधिकाऱ्यांशी झटापट करून त्यांना जखमी केलेआणि तो पसार झाला. आरोपींचा शोध घेत असताना तो खडकवासला भागात असल्याची माहिती पथकाला मिळाली. खडकवासला येथील गॅस एजन्सीमध्ये आरोपीच्या नावाचा शोध घेत त्याचा माग काढला. त्यावरून दोन महिन्यांपासून फरार असलेल्या आरोपीच्या मुसक्या आवळण्यात पोलिसांना यश आले. पोलीस उपायुक्त शशिकांत बोराडे, विश्रांतवाडी पोलीस ठाण्याचे वरिष्ठ पोलीस निरीक्षक दत्तात्रय भापकर, पोलीस निरीक्षक विजयकुमार शिंदे यांच्या मार्गदर्शनाखाली पोलीस उपनिरीक्षक सत्यवान गेंड यांच्या पथकाने ही कामगिरी केली.
