सोलापूर – सोलापूर शहरात २ डिसेंबर २०२२ रोजी प्रतिष्ठित डॉ.असद मुंशी यांनी हाय डोसचे इंजेक्शन घेऊन आत्महत्या केली होती.याबाबत एमआयडीसी पोलीस ठाण्यात अकस्मात मयत म्हणून नोंद झाली होती. आता या प्रकरणाला नवे वळण लागले असून डॉ असद मुंशी यांच्या पत्नीचे दुसऱ्या एका डॉक्टर सोबत अनैतिक संबंध होते.अनेक महिन्यांपासून पत्नी फलकनाज ही पतीपासून विभक्त राहत होती. या अनैतिक संबंधाला मृत डॉ असद मुंशी यांच्या सासू-सासऱ्याचे व मेहुण्याची मूकसंमती होती. यां सर्वांनी डॉ असद मुंशी यास मानसिक त्रास दिला होता, तसेच आत्महत्या करण्यास प्रवृत्त केले अशा आशयाची फिर्याद मृत डॉक्टरचे भाऊ अहमद मो. शाहनवाज मुंशी यांनी एमआयडीसी पोलीस ठाण्यात दिली आहे. फिर्यादीवरून पोलिसांनी फलकनाज नजीरअहमद सय्यद, सर्फराज नजीरअहमद सय्यद, नजीर अहमद सय्यद,निखत सय्यद (सर्व रा,मोहिते नगर,सोलापूर शहर), डॉ मिलिंद सरोदे(रा जळगाव)यांच्या विरोधात भा.द.वि.३०६,३४ प्रमाणे गुन्हा नोंद झाला आहे.याबाबत अधिक तपास एपीआय पेठकर करत आहेत.
डॉ असद मुंशी यांना मानसिक त्रास देत मुलीला भेटू दिले नव्हते
डॉ असद मुंशी यांची पत्नी फलकनाज ही पतीपासून अनेक महिन्यांपासून विभक्त राहत होती.डॉ असद व फलकनाज यांना एक मुलगी देखील होती. मुलीला अपार प्रेम करत असल्याने डॉ असद हे नेहमी मुलीला भेटण्याचा प्रयत्न करत होते. पण पत्नी फलकनाज ही मुलीला भेटायला देत नव्हती त्यामुळे डॉ असद मुंशी हे मानसिकरित्या खचले होते. डॉ मिलिंद सरोदे यांनी देखील डॉ असदचे भाऊ असदुल्ला मुंशी यास कॉल करून फलकनाजसोबत माझे संबंध आहेत. अशीही माहिती देत खाजगी आयुष्यात ढवळाढवळ केली होती. त्यामुळे डॉ असद यांनी टोकाचं निर्णय घेत स्वतःचे आयुष्य ३ डिसेंबर २०२२ रोजी संपविले होते अशी फिर्याद एमआयडीसी पोलीस ठाण्यात दिली आहे.
डॉ असद मुंशी हे सोलापुरातील सामाजिक कार्यात सक्रिय होते
डॉ असद मुंशी हे काँग्रेस सोबत सामाजिक कार्यात सक्रिय होते.”हिजामा कैंम्पच्या”माध्यमातून त्यांनी मोठा जनसंपर्क निर्माण केला होता. ३ डिसेंबर २०२२ रोजी दुपारी १ वाजण्याच्या सुमारास शहरातील कर्णिक नगर येथे राहत्या घरी आत्महत्या करताच मार्कंडेय रुग्णालयात दाखल करण्यात आले होते. पण डॉक्टरांनी मृत घोषित करताच मार्कंडेय रुग्णालयात नागरिकांची मोठी गर्दी झाली होती. काँग्रेसचे वरीष्ठ नेते देखील रुग्णालयात दाखल झाले होते. डॉ असद मुंशी यांच्या अंतिम संस्काराला मोठी गर्दी झाली होती. सोलापूर शहरात एका प्रतिष्ठित डॉक्टराने आत्महत्या केल्याने अनेक प्रश्न निर्माण झाले होते. अखेर या सर्व प्रकरणात तपास करत आत्महत्या करण्यास प्रवृत्त करणाऱ्या।विरोधात गुन्हा दाखल झाला आहे.
