शिरपूर – किरकोळ कारणावरून शिरपूरात एकाचा खून झाल्याची खळबळजनक घटना घडली आहे. घटेनंतर फरार झालेल्या संशयिताला पोलीसांनी एका तासात ताब्यात घेतले असून त्याच्या विरुद्ध खूनाचा गुन्हा दाखल करण्यात आला आहे.
शिरपूर शहर पोलीस ठाण्यात ज्ञानेश्वर रोकडे यांनी दिलेल्या फिर्याद दिली की काल रात्री ८:३० वाजेच्या सुमारास शिरपूर शहरातील ईदगाह नगर भागात सार्वजनिक शौचालय जवळ लघूशंका का करतो असे म्हटल्याचा राग आल्याने मनोज भगवान मराठे याने रामभाऊ भगवान माळी यांना हाताबुक्यांनी मारहाण करत पकडुन सिमेंट काँक्रीटच्या रस्त्यावर जोराने डोक्यावर आपटल्याने रामभाऊ माळी यांचा डोळ्याजवळ जबर मार लागल्याने मृत्यू झाला असल्याची धक्कादायक घटना घडली आहे.
मनोज मराठे यांनी रामभाऊ माळी यांना जबर मारहाण केल्यानंतर घटनास्थळावरून पळ काढला. रामभाऊ माळी यांना नागरिकांनी उपचारासाठी रुग्णालयात दाखल केले असता डॉक्टरांनी रामभाऊ माळी यांना मृत घोषित केले. याबाबत संशयित आरोपी असलेला मनोज मराठे याच्या विरोधात खूनाचा गुन्हा दाखल करत शिरपूर पोलीसांनी मनोज मराठेला एका तासातच शहादा रस्त्यावरून ताब्यात घेतले आहे. व पुढील तपास शिरपूर पोलिस करीत आहे.
