विदर्भ

समृध्दी महामार्गाचे होणार नरेंद्र मोदी यांच्या हस्ते उदघाटन

नागपूर – नागपूर- मुंबई समृध्दी महामार्गाच्या पहिल्या टप्प्याच्या उद्घघाटनासाठी ११ डिसेंबरला पंतप्रधान नरेंद्र मोदी नागपुरात येत आहेत. तर त्यांच्या कार्यक्रम स्थळात बदल करण्यात आला आहे. पूर्वी हा कार्यक्रम महामार्गावरील वायफड टोलनाक्याजवळ नियोजित करण्यात आला होता. तर दहा ते पंधरा हजार नागरिक बसू शकतील अशी व्यवस्था केली जाणार होती. मात्र आता कार्यक्रम स्थळात बदल करण्यात आला आहे. राज्यातील महत्वपूर्ण प्रकल्प मिहान मधील एम्स रुग्णालयाच्या मागच्या भागात मुख्य कार्यक्रम होणार आहे.

सरकारी स्तरावरील पंतप्रधान नरेंद्र मोदी यांच्या दौ-याची जय्यत तयारी सुरु आहे. रविवारी मुख्यमंत्री आणि उपमुख्यमंत्री यांनी या दौ-याची पाहणी केली असून त्यापूर्वी उपमुख्यमंत्र्यांनी कार्यक्रम स्थळांची पाहणी केली. या दौ-यात पंतप्रधानांच्या हस्ते समृध्दी महामार्गाच्या उद्घघाटनासह मेट्रो, वैद्यकीय, रेल्वेसह अनेक प्रकल्पांना उद्घाटन होणार आहे. मोदी यांच्या दौऱ्यांसाठी प्रशासन सज्ज असून पूर्व तयारी युद्धस्तरावर सुरु आहे.

About the author

वेब डेस्क महाराष्ट्र वेब डेस्क महाराष्ट्र

Leave a Reply

Leave a Comment