ठाणे – पॅनल पध्द्तीने निवडणुक लढवणे म्हणजे काही राजकीय पक्षांची एकप्रकारची सोय असा आरोप राज ठाकरे यांनी केला आहे. राष्ट्रवादी काँग्रेस असो किंवा भाजपा यांनी पॅनल पध्द्तीने निवडणूक घेण्याचे का ठरवले हा प्रश्नच असल्याचे ठाकरे यावेळी म्हणाले. यापूर्वी ही निवडणुका होतच होत्या की, या पॅनल पध्द्तीत एकाच पक्षाच्या निवडून आलेल्या नगरसेवकांमध्येच एकमत नसतं. मग नागरिकांच्या समस्या कशा सुटतील असंही राज ठाकरे म्हणाले. ठाण्यात एका खाजगी कार्यक्रमासाठी राज ठाकरे बुधवारी आले होते. तेव्हा शासकीय विश्रामगृहात पत्रकारांशी अनउपोचारिक गप्पा मारताना ते बोलत होते. यावेळी कॅमेरासमोर बोलण्यास राज ठाकरे यांनी नकार दिला.
नागरिकांचे प्रश्न सोडविण्यासाठी लोकप्रतिनिधीची गरज असते त्यांच्या माध्यमातूनच सभागृहात आवाज उठवला जातो. परिणामी स्थानिक स्वराज्य संस्थांच्या निवडणुका लवकर व्हायला पाहिजे असल्याचं असं मत मनसेप्रमुख राज ठाकरे यांनी आज ठाण्यात व्यक्त केलं आहे. यावेळी पत्रकारांशी चर्चा सुरू असताना राज ठाकरे यांनी शहरातील वाहतुकीच्या समस्या ते पॅनल पध्द्तीने होत असलेल्या निवडणुकांबाबत खरपूस समाचार घेतला. तर स्थानिक स्वराज्य संस्थांच्या निवडणुकांच्या बाबतीत काहीच निश्चित दिसत नसून या निवडणुका कधी होणार बाबत विविध चर्चा ऐकायला येत आहेत. नागरिकांचे प्रश्न सोडवण्यासाठी लोकप्रतिनिधी गरजेचे आहेत. हेच लोकप्रिनिधी सभागृहात नसतील तर या प्रश्नांवर वाचा कोण फोडणार असा सवाल यावेळी राज ठाकरे यांनी उपस्थित करत महापालिकेच्या निवडणूका या लवकरात लवकर व्हाव्यात असं राज ठाकरे यांनी सांगितलं.
तर ठाणे शहरातील वाहतूक समस्या सोडवायची असेल तर त्याकरिता ठोस अशी नियमावली राबवणे गरजेचे आहे. एका व्यक्तीकडे किती वाहने हवीत यालाही मर्यादा हवी तसेच नागरिकांना सार्वजनिक वाहतूक व्यवस्थेची सवय पडणे गरजेचं आहे आणि तरच मेट्रो सारखे प्रकल्प यशस्वी होऊ शकतील असे राज ठाकरे म्हणाले. महत्वाचे म्हणजे ज्या सोयी सुवीधा महापालिका प्रशासनाने देणे गरजेचं आहे. त्या सुविधा बिल्डर रहिवाश्यांकडूनचं पैसे घेऊन पुरवतात. त्यामुळे शहरे हि महापालिका नव्हे तर बिल्डर चालवत असल्याचं राज ठाकरे यांनी सांगितलं. येत्या काही दिवसांत मी ठाण्याचा चार ते पाच दिवसांचा दोरा करणार असल्याचेही राज ठाकरे यांनी सांगितलं.
