Uncategorized

T20 WC: जसप्रीत बुमराहच्या शिरपेचात आणखी एक मानाचा तुरा

जसप्रीत बुमराहने दोन गडी बाद करताच त्याच्या नावावर नवा विक्रम प्रस्थापित झाला.

टी २० वर्ल्डकपमध्ये भारताचं उपांत्य फेरीचं आव्हान जर तर वर अवलंबून आहे. धावगती आणि अफगाणिस्तानने न्यूझीलंडला पराभूत केल्यास उपांत्य फेरीत जाण्याचा आशा बळावतील. तत्पूर्वी भारतानं स्कॉटलंड विरुद्धच्या सामन्यात चांगल्या गोलंदाजीचं प्रदर्शन केलं. स्कॉटलंडचा संपूर्ण संघ ८५ धावांवर बाद झाला. या सामन्यात रवींद्र जडेजाने ३, मोहम्मद शमीने ३, जसप्रीत बुमराहने २ आणि आर. अश्विनने १ गडी बाद केला. जसप्रीत बुमराहने दोन गडी बाद करताच त्याच्या नावावर नवा विक्रम प्रस्थापित झाला. टी २० स्पर्धेत भारताकडून सर्वाधिक गडी बाद करण्याचा विक्रम त्याचा नावावर झाला आहे. यापूर्वी हा विक्रम युजवेंद्र चहलच्या नावावर होता.

युजवेंद्र चहलने आतापर्यंत खेळलेल्या टी २० स्पर्धेत एकूण ६३ गडी बाद केले आहेत. तर स्कॉटलंड विरुद्धच्या सामन्यात जसप्रीत बुमराहने दोन गडी बाद करत एकूण ६४ गडी टीपले आहेत. त्यामुळे भारताकडून टी २० स्पर्धेत सर्वाधिक विकेट्स घेण्याचा मान जसप्रीत बुमराहला मिळाला आहे.

About the author

वेब डेस्क महाराष्ट्र माझा वेब डेस्क महाराष्ट्र माझा

Leave a Comment